Autoridad a mobilisa tur personal pa costa pariba di nos isla, como cu un biaha mas boto a drenta. No ta conoci si a haya hende indocumenta den e area, pero locual cu ta sigur ta e cantidad di purun cu a spula riba beach.
Esaki a sosode algun rato pasa, den careda di 12:00 pm ora cu patruya a bati alarma pa e hallazgo riba beach. Mesora a restringi e area y cuminsa cu control mientras demas departamento concerni tabata yega Rincon cu ta e boca conoci pa e tipo di acto aki.
A bin topa cu varios artefacto, por lo menos seis pa shete jerrycan y e boto cu a logra drenta cu ne aden.
No a confirma ainda si ta trata di droga of si acaso lo tin mas producto ilegal cu a bin aden cu ne via lama.
Tin un control basta riguroso tumando luga tanto riba beach como den vehiculonan cu ta circulando den e zona.
