Un persona cu a perde su celular, na final a logra haya esaki bek. E tabata danki na e sistema cu e tin riba dje, cu ta indica unda e
telefon ta.
Tabata rond di 10.30 di mainta cu un dama turista di habla Spaño a pidi asistencia di polis, ya cu el a perde su celular.
E señora tabata den un KIA Picanto blauw cla, para dilanti di un restaurant na Savaneta. A base di e informacion cu a saca for di e
tracker, polisnan a sigui e KIA te na unda e señal ta hiba nan, cu tabata un cas den bencindario di Savaneta.
Berdad a bin haya e celular. E persona a bisa cu e telefon a paga y el a pone charge pa mira si e por haya sa kende ta e doño. Na final e turista a keda contento y gradecido na polisnan di a asisti pa e por a logra haya su pertenencia bek.
