Mientras cu mayoria a habri aña den compania di famia y un glas di champagne den man, tin un turista cu a habri aña drumi den yerba cant’i caminda. Tabata alrededor di 1:00 am ora cu polis a topa c’un homber drumi n’e luga indica. Prome, a kere cu el a kibra su lomba of a fractura algun parti di su curpa.
A resulta cu el a dal demasiado drinks y esaki mand’e plat. E tabatin basta rato ta bebe. Parce for di atardi e tabata na un restaurant den cercania ta bebe.
Ambulance a presenta pa check un cu e otro cu ne, pero na final no tabata necesario mirando cu ta fuma e tabata y no malo. Un conoci di dje a presenta n’e sitio y a yud’e p’e yega su destino. Por poco el a marca historia cu: ‘prome detencion di 2022’, pero esaki no tabata e caso.