Faltando netamente tres ora prome cu aña a bolter, un trahado di restaurant a cay y herida su curpa formalmente. Ta na Quinta del Carmen restaurant na Bubali, e prome informacion tabata uno sumamente alarmante. A indica cu e trahado a cay y no tabata reacciona. Ta tur motibo pa polis y ambulance presenta cu maximo urgencia. Un total di dos unidad di ambulance y un patruya di polis a presenta n’e restaurant. Danki Dios e persona tabata reacciona. Parce el a ricibi basta golpi parti patras di su cabes. Cu urgencia a transport’e pa hospital p’e ricibi atencion medico avansa.