Separa di esunnan cu a test na Hulanda mes caba, aki na Aruba a test no menos cu 107 pasahero riba e vuelo di KLM for di Schiphol. E testnan tur a sali negativo, indicando cu e personanan aki no ta contagia cu e virus Covid-19. Pa Aruba ta importante pa no importa e virus, pa evita contagio riba nos isla.
Actualmente e situacion na Hulanda ta basta serio, cu no menos di 2800 pashent activo, contagia cu e virus. Nan tin 10 pashent drentando ICU pa dia y 40 drentando Hospital. Tin 73 caso pa dia pa cada 100 mil habitante, teniendo cuenta cu nan tin 16 miyon habitante na Hulanda. Aunke e cifranan ta halto compara cu Aruba, toch ta bon pa accentua cu e ta mucho menos cu na cuminsamento durante e “peak” di Coronavirus na Hulanda.
Separa di Hulanda, tambe na Aeropuerto a test un total di 7 pasahero cu a yega Aruba for di Sint Maarten. Tur e testnan aki tambe a sali negativo.
Pa loke ta trata Sint Maarten, nan tabatin un total di 78 caso positivo, 15 morto y 63 pashent cu a cura sin problema. For di mas di un luna caba nan no tin ningun caso activo.
