A pidi presencia di polis pa yega mas lihe posibel pasobra tin ladron den cas. Habitante di Rooi Afo a pensa cu ainda e ladronnan aki lo ta den su cas y tabata sperando e patruya yega na su rescate.
E sucedido a tuma luga un rato pasa, den careda di 5:30 pm, na un cas na Rooi Afo. Dos unidad a yega mesora y a cuminsa un buskeda parti paden y pafo di e cas. Na sitio a bin compronde cu no tabata trata di un caso di ladronicia, pero mas bien algun mucha, cu a subi tereno di e señora pa coy algun fruta.
Polis a papia cu e hobennan envolvi y a mustranan riba e consecuencia di nan acto. Afortunadamente e tabata un susto pero cu su debido atencion. Un final feliz pa un y tur aunke e muchanan tambe a haya un bon zundra.
