Diasabra ultimo a tuma luga un evento riba e parkeerplaats postkantoor na Playa, caminda cu Aruba Basketball Bond a bin inaugura nan 3×3 Court oficial di FIBA. E evento aki ta pa genera fondo pa atleta cu ta bayendo otro siman, dia 11 di november pa representa Aruba den e 3×3 Americup.
Segun Valeska Milton, secretaria general di Aruba Basketball Bond, e wega aki ta birando hopi popular, mirando cu e ta hopi lihe y intenso. E ta hopi mas urbano cu ta hacie mas dibertido pa hunga.
Durante e evento tabatin musica, truck di bende cuminda y alabes diversion.
Milton a splica cu normalmente nan tin nan temporada cu lo cuminsa otro siman diabierna tambe, cual ta 5×5. Esey lo dura te cu den luna di mei di otro aña.
E evento aki di 3×3 tournament a tuma luga diasabra y diadomingo for di 4:00 pm te cu 11:00 pm.
Ta invita henter pueblo di Aruba pa ‘join the fun’ y e estilo nobo urbano di basketball. Pa esunnan cu join nan team ta mas c bonbini.
Aworaki, hunto cu IBiSA, ta organisa e 3×3. Milton ta sigui splica cu esaki ta e prome aña cu IBiSA lo bay campeonato escolar, na luga di 5×5 ta haci 3×3. Nan lo ta introduciendo esaki na tanto scol basico como scol avansa, cual e bond lo ta yudando cu ne.
Idea ta pa move di bario pa bario.
Ainda tin chens pa pasa tira un bista riba e dia dibertido aki. Cuminsando pa 4:00 pm por disfruta di bon wega di basket 3×3, alabes pasa busca un dushi plato y disfruta di bon musica durante e evento aki di 3×3 Basketball riba parkeerplaats di Post Aruba.
