Diasabra a tuma luga e ultimo tayer di un serie di tres na Club Kibrahacha, unda cu un y tur cu a desea pa sa un tiki mas riba e malesanan cronico di diabetes, problema di curason y tambe stroke.
Durante e tayernan aki tabatin instancia manera CVA Aruba (Stroke Foundation), como tambe Aruba Heart Foundation y Fundacion Diabetico, cu a brinda e informacionnan necesario di prevencion.
Azriah Palm, boluntario di fundacion CVA Aruba, a splica cu e tres tayernan aki a bay sumamente bon. Por ta hopi orguyoso y satisfecho di e acogida di e tayernan aki. Preguntanan cu a haya ta duna di conoce cu hopi hende no tin e informacion corecto ainda.
Palm ta hopi gradicido na cada un cu a participa y cu a duna nan tempo, sacrifica nan diasabra y bin informa nan mes, manera debe ser.
Palm ta agrega cu pa otro aña e tres fundacion/organisacionnan aki ta uni pa traha hunto pa un bon causa pa Aruba. Cos bon ta na caminda.
Pa cobertura mas amplio lesa edicion di TREMPAN mañan.
