Den careda di 10.30 a bati alarma pa un accidente a sosode na un cas na Solito, unda un persona a resulta herida.
E cas ta situa net patras di e stadion di RCA. E adres ta Kamerling Onnestraat 62-C. Ta parce cu e persona masculino tabata traha riba e truck, situa den cura di e cas. Kico a pasa no ta conoci, pero e vehiculo a cay riba dje. Personanan cerca di un forma of otro a logra pusha e truck di entrega pa libera e trahado.
Varios unidad policial y dos ambulance a yega na e sitio, unda familiarnan a yega y a keda un shock pa loke a pasa.
Cu urgencia a transporta e herido, kende tabata den un situacion critico, pa hospital.
