E hendenan a bira inventivo. Apesar cu tin prohibicion di aglomeracion, e hendenan ta busca forma pa organisa fiestanan priva. Pero tin hendenan mas consciente cu ta bati alarma, manera e caso cu a sosode na Palm Beach manece diadomingo.
Tabata den careda di 1’or di marduga cu a manda varios unidad pa un compleho di apartamento na Palm Beach pa un fiesta clandestino.
Na yegada a topa cu varios auto para pafo, cual tabata indicacion caba di aglomeracion paden. A dicidi di pidi mas patruya na e sitio, p’asina controla e situacion. Na mesun momento a haya holo di marihuana tambe, pa cual a pidi autorisacion di fiscal pa drenta e compleho. A duna ordo pa tur hende bay for di e sitio. Inicialmente a pidi e vehiculo di transporte, pero na final a duna tur hende chens pa bay nan cas.