Sra. Rita Werleman ta traha den e Kiosco na waf chikito. El a splica cu Ski tabata un hende cu e no ta molestia ningun hende. E ta un hende hopi trankilo. Ora cu e tin hamber, e ta yora cu e tin hamber y nan ta yude na e kiosconan. Ta dun’e co’i come y co’i bebe. Hopi biaha Ski ta bin pidi pa un lighter.
Y si tin ta dun’e. Tambe ta dune su florin pa bay cumpra su lighter. Pero loke a pasa dialuna, cu ambulance a bin pa yud’e, pero e no tabata kier ayudo. E tabata cana riba su alma, tene te ora cu el a bay eytras y eynan el a keda. E no a keha casi nada. A mira con el a muri, pero no por a haci nada.
Cu duele, por a mira con el a fayece. Si Werleman ta corda cu hopi hende no sa kico ta pasando, nan ta bisa cu ningun hende no a yud’e. Ambulance a yud’e, el a sali for di hospital. Segun Werleman tin entendi, cu el a huy for di hospital, pero e no sa si esey ta berdad.
Eybanda el a biba semper y eynan tabata su ultimo deseo pa ta y muri, segun Werleman.
Ski tabata move di baina. Ora el a yega patras, eynan el a keda, manera ya menciona.
Un shock
Esaki a dal e empleado di e kiosconan duro. Nan no a spera cu el a muri. Si el a mira cu e tabata tin asina un bulto, cual ta un breuk, segun Werleman ta kere. Tambe e ta pensa cu pa motibo di e tiro cu el a haya, of tironan e ta supone.
Tin mas hende
Tin hopi mas hende cu conoce Ski riba Waf Chikito, cu diamars, ta di luto cu no tey mas. Nan a mir’e den su ultimo rosea, na momento cu e tabata eynan. Nan a yama polis, ambulance y ora cu nan a mira cu e no tabata kier yudansa y finalmente a opta yama 24ora.com.
Nos no tabata sa cu Ski lo a bay muri y tambe nos ta lamenta y ta pa e motibo ey e video a wordo elimina for di rednan social. Pero ta importante pa pueblo sa totalmente kico por a pasa y sa con tur cos a cana, caminda cu yudansa a bin, pero e no tabata desea yudansa, y a muri net tras di e kiosconan di waf chikito, unda cu tur dia e tey y ta comunica cu esnan cu ta traha na un of mas di e kiosconan. Y nan mes ta yud’e di buelta. Sigur, un dia cu a lanta tristo. Esaki ta un update pa aclarea cualkier situacion cu por tin of duda, riba un of otro persona, riba nos isla.
