E organisacion di Economista di Caribe Hulandes (Association of Dutch Caribbean Economists),(ADCE, siman pasa a organisa un simposio riba e tema di turismo. Un tema cu ta masha importante pa e islanan Hulandes den Caribe mirando cu practicamente tur ta dependiente di e pilar economico aki. Den e lista di oradonan invita tabatin tres Rubiano, di cual dos di nan tabata den directo representacion di e isla mientras cu e di tres a papia di e situacion reinante na Boneiro.
Ta papia aki di Elmelynn Croes (Research Department Centrale Bank van Aruba); Richard Arends (Directorate Physical Development and Planning/ Economic Affairs na Boneiro) y Ronella Croes (CEO di Aruba Tourism Authority). Croes no tabata fisicamente presente, pero a manda su discurso graba. Esaki tabata debi na su compromiso pa cu pre-estreno di e documentario “Blue Lizzard Effect”.
E tabata un momento di orguyo cu entre e seis oradonan invita, pa e tres islanan ABC, tres di nan ta Rubiano.
Importante ta e conclusion di e simposio aki cu den poco palabra ta bisa cu mester tin un desaroyo proporcional di facilidadnan necesario pa turismo sostenibel riba e islanan ABC.
E Club di Economistanan a organisa e simposium cu a tuma luga dia 12 di april y cu a hiba e titulo: “ ‘ABC-eilanden, te afhankelijk van toerisme?”
E presentacion di representante di e islanan Aruba, Boneiro y Corsou (ABC) a enfatisa cu turismo awo y den futuro ta e sector di mas importante pa nan, nan ta similar pero toch cu algun diferencia. Tur e participantenan tabata di acuerdo cu e discusionnan tabata hopi educativo riba e diferente oportunidadnan y retonan desafiante.
Loading…
Reload document 
Open in new tab 
Pa relato amplio lesa TREMPAN.
