Despues di 3’ort di atardi un auto a dal para net dilanti aeropuerto y tabatin un señora hopi histérica den auto.
Na e sitio por a mira cu e tabata den compania di su yiu.
E tabata yora na momento di papi acu e Polisnan. Segun el a conta nan, cuatro homber a bati e yiu den area di Tarabana. Ta trata di un mucha homber relativamente hoben y su cara tabata sanger, indicando asina cu e sla ricibi tabata mas tanto na su cara. E mama, kende tabata den un susto grandi, no tabata desea ambulance pa su yiu.
E agresornan ta conoci cerca e famia, y a mustra polis potret di por lo menos un di nan, kende ta biba den Mandolinstraat. Diferente patruya a bay na e sitio y parce cu tin menasa serio a wordo lansa, inclusive di morto contra mas familiar di e victima. P’esey a manda diferente patruya y na e sitio, parcela 19, a detene tres persona, y a hiba nan Warda di Santa Cruz, mirando cu e victima a bay entrega denuncia contra e hecho serio aki.
