Diamars trempan e usuarionan cu ta haci uzo di e caminda di santo di Alto Vista a bati alarma pa un cantidad di sushi benta banda di caminda. E sushinan aki tabata causa un bista sumamente mahos.
Na yegada a bin topa cu tres corchon benta banda di caminda como tambe un saco di sushi cu paña aden y un reki cu ta mustra cu e sushinan ta di cas. No ta prome biaha cu esaki ta sosode y sigur e ta un mal bista pa e area.
Algun dia pasa ya caba hende a laga corchon benta riba caminda. Esunnan cu ta haci esaki no ta worry unda nan tira sushedad. Hopi di esunnan cu ta haci tipo di cos asina aki no ta worry cu nan ta sigui crea dump ilegal.
A bin cu campaña pa hende por deshaci di e cosnan cu no mester di nan mas, pero asina mes otro ta sigui tira cos riba caminda. Si un hende ta transportando algo pa benta afo, e tin cu percura pa esakinan ta bon mara pa asina no cay y laga atras.
Kico mester haci pa stop hende di sigui crea dump ilegal. Tabata keha riba dump di Parkietenbos y awo cu esaki ta cera, y pa no paga, hende simplemente ta benta cos cu ta.
