Diasabra mainta Polis a atende cu un accidente di auto riba e caminda principal di Playa pa San Nicolas. Esaki ta banda di MFA na Savaneta. Un total di tres auto ta envolvi. E autonan aki ta envolvi den un desgracia yama Ketting Botsing. Nan a dal tras di otro. Den e accidente tabata tin dos hende herida. Un di nan ta sufri di curazon y a dal su cabez den windshield. Polis a pidi pa ambulance. A hiba ambos herido pa Hospital pa asina wordo atendi pa dokter. Nan no ta grave pero e golpi cu nan a haya tabata mester di un extra control. Polis mes a tene e caminda sera pa un rato mas largo pa e personal di Forensys tambe haci nan trabou.
