Segun Selma Helder, Pa 28 aña largo mi ta activo cu parti di decoracion y tambe organisatorio di “Cas di luz”. Cas di luz mes tin 32 aña aña di existencia, dus e ta pasa di generacion pa generacion. Den e parti di voluntario nos tawata tin hopi hende pero mayoria di nan e smaak a kita y algun a bay biba den otro bario, pero mayoria cu tey ainda ta famia di otro of ta bisiña serca.
Cas di luz no tin sponser oficial, pero ami ta considera e personanan cu ta cumpra na bar y cushina nos sponser mas grandi.
E aña aki den coperacion cu “ Do it Center” nos a yega na un areglo di pago pa asina nos por haya e luznan na tempo pa por decora prome cu e temporada di fin di aña drenta porta. Pa ser exacto e luznan a sali nos mas o menos 11.700,- florin. Pa nos por paga e recibo di Elmar nos ta hasi un bendemento di cuminda pa nos por cover esey. Nos recibo di Elmar ta sali den careda di 6000,- florin. Nos tin 50 solar panels aki nan pero nos ta bende Elmar e coriente aki durante full aña, e unico mala suerte ta cu awa a yobe basta e temporada di fin di aña aki y e solar panels no ta genera suficiente coriente pa nos por uza pa nos mes.
Nos ta sumamente agradecido cu e acohida cu nos a recibo di e pueblo Arubano e temporada aki. Nos ta desea na tur un feliz aña y cu pas prosperidad reina den cada un hogar aki na Aruba. Nos ta contento pa hasi esaki pa Aruba pa e ultimo 32 aña nan tras di lomba y nos ta conta cu boso a aña aki pa nos por celebra nos 33 aña di existencia. Asina Selma Helder PR di cas di lus a conclui bisando.
