Riba invitacion di Police Service Dogs Inc. Mericano di Oxford, Florida, Sr. Dick van Leenen, Hefe di e Team Extraordinario di Brigada di Cacho (BOT-K) di KIA, a duna les durante dos dia na e teamnan di cacho di e cuerpo policial di Florida, Georgia, Alabama, North-Carolina y Cayman Islands.
Durante e training e agentenan di polis Mericano y nan cachonan a siña e tecnicanan y tacticanan Arubano, cu e meta pa ta miho prepara pa nan trabou peligroso riba caya. Ademas a duna training na e pakwerkers (personanan bista cu paña special cu cacho ta ataca durante training).
E progama di cachonan di servicio di husticia Arubano ta contene reglamento y certificacion na cua, entre otro e teamnan di cacho di KIA y husticia di Sint Maarten ta cumpli cune. E programa aki ta gosa internacionalmente di un gran prestigio y reputacion.
