Despues di a manda varios carta pa prome minister di Aruba Evelyn Wever-Croes, e trahadonan di DIP a cansa y a dicidi di tene un accion di un ora, cu posibilidad di mas accion si no duna nan oido.
Despues di e ultimo accion di DIP, segun Edmundo Marlin di SEPPA, a manda varios carta pa e prome mandatario, pidiendo pa sinta cu ne y e director pa atende cu e preocupacion di e trahadonan. Pero el a sugeri pa e sindicato sinta cu e director, cual e trahadonan a rechasa.
Tin varios factor cu a haci cu e trahadonan no kier tende nada, pasobra no tin paz mental ni laboral.
E trahadonan no tin confiansa mas den e director aki. Pesey nan a bolbe sali. Prome minister mester compronde cu tin un situacion y trahadonan kier sinta cu ne.
Si minister no kier sinta cu e trahadonan, e trahadonan tin hopi caminda pa traha y esaki ta un di e accionnan cu ta tumando luga. Si e no duna oido, por spera mas accion.
A dun’e te diamars 4’or ymey y no a contesta. Ainda a mande mas laat a manda un peticion pa su reaccion cu e consecuencianan ya menciona.
