Di berdad e contractonan di corto duracion y tambe e asina yama trabao via uitzendbureau ta haciendo daño na e calidad di bida di e clase trahado. A yega di bringa e cambio di ley di 1613X y a tende keto bay cu flexibilisacion di productividad laboral mester haya luga. FTA ta fuertemente para contra e forma cu kier traha riba productividad y flexibilisacion, segun presidente di e sindicato, Hubert Dirksz.
E ley 1613X cu FTA a para asina fuerte p’e durante gobierno anterior pa e no ta cambia, ta pa motibo cu nan no por permiti cu un trahado cu mester por haya un trabao pa tempo largo permanente, pasobra e trabao mes, e funcion cu tin habri ta permanente y bo ta pone un hende traha tempo cortico defini pa haci e trabao eynan. Cada biaha cu e traha den un tempo cortico, sea ta tres luna, seis luna, un aña, cuanto cu e ta, y bo ta djis ripiti. Ta asina ey e hende no ta bira vast nunca. E hende no por tin ningun garantia di trabao y te hasta esaki ta traha contra di sindicalismo. E hende no por bira miembro di sindicato ni sali pa su derechonan. Pa colmo e gobierno anterior no tabata tin control di parti di departamento di labor, e departamento di inspeccion. Awor esaki, aparentemente ta mesun cos ta tumando luga. FTA ta lamenta. Tabata tin algun reunion cu minister di labor. Ta spera cu cambionan ta tuma luga den e departamento di labor, cu inspeccion ta wordo haci. No solamente den e parti di contratonan cu ta di corto duracion, cual ta ilegal. Mayoria contracto na Aruba tanto via uitzendbureau y via empresanan mes di corto duracion, ta ilegal. Si bo mira kico ta exigencianan cu e ley di 1613X ta defini y e ley di uitzendbureau, ta mustra cu un cantidad di dunado di trabao ta violando ley na Aruba, manera cos cu ta asina e mester ta. Awo cu ta permiti esaki, ta haciendo daño na e trahado y na su famia, como tambe e sindicatonan.
Ohala cu departamento di labor y minister concerni actua rapido y ta mas fuerte, firme riba esaki.
E poder cu a mustra na gobierno anterior ta, cu na momento cu a bay informa tur sindicato, a bay tur prensa y a yama un congreso pa esaki. A informa tur delegado y a pone e tempo ey cu ex minister Paul Croes tabata na mando. A bisa si e ley aki wordo cambia, FTA lo percura cu na tur empresa cu FTA tin miembro, lo a bin paro di trabao, cu sosten di e otro sindicatonan na Aruba. Tabata tin un sosten unanime. Cu esey kier a mustra cu no ta permiti un cambio asina y exactamente loke a pensa y trata pa preveni, a sigui manera normal toch. A continua den e sector hotelero y otro sectornan. Lo sigui vigila esaki y pronto, depende e desaroyo, si mester yama un congreso cu tur sindicato pa atende cu e parti aki, lo haci esaki.
FTA ta spera cu despues di varios reunion cu minister di labor, ta spera cu e lo por pone esaki como prioridad pa por para loke ta pasando na Aruba, riba e tereno aki.
Eliminacion di uitzendbureau
E ley, manera cu e ta, no ta malo. Pero e ley manera cu e ta, si el a wordo aplica of si e ta wordo aplica manera mester ta, lo yega na un momento cu no lo por uza uitzenbureau mas. Pa e funcionnan cu lo bay uza uitzendbureau, lo uz’e pa un aña so. Y e personanan tambe pa un aña so y despues di un aña, no por aplik’e mas. E ora ey e ley ta perde valides na momento cu aplik’e mas. Kier men uitzendbureau lo termina na un momento. Esey ta bon. Kiermen no mester bin cambio, pero no tin control, pasobra e ley, tanto bal e tey of laga di tey. Si un compania cu ta huur of bende e servicio cu un compania mas grandi, na momento cu viola ley, no por sigui existi como compania mas. Autoridad tin cu auto riba e compania cu ta viola ley. Tambe esun grandi cu ta haya e trahado for di un compania di uitzend burau, cu ta hopi na Aruba ainda.
Keho ta drentando y ta ripara cu trahadonan tin miedo. Manera cu nan acerca sindicato y e compania haya sa, nan ta termina nan relacion di trabao di biaha. Nan ta mandanan cas y cla. E ora ey e ta un explotacion di trahado. Ta un abuso cu no por sigui ta permiti. E no ta na su luga y ohala controla tuma luga. Control di departamento di labor ta hopi necesario y urgente.
