Apesar di ta officier di cuerpo di Bombero, Ferdinand Ponson ta forma parti di e departamento di prevencion, cual tambe ta join e comision di Vuurwerk pa varios aña caba. Ponson a splica, como vocero di Cuerpo di Bombero, riba con satisfecho nan ta, riba e dianan cu ta tras di lomba.

Por a tuma nota cu personal di brandweeer, cu ta den e comision di vuurwerk, a haya cosnan cu no ta corecto. Ponson a splica cu for di dia 27 di December, nan tabata bezig cu control. Ainda bispo di aña nan a nota cu bendedonan a purba pa haci cosnan cu no ta cuadra cu e reglamento. Ta bisanan riba dje y ta drecha. Tin cu remarca cu nan ta satisfecho, mirando cu e luganan di benta a cumpli cu e reglanan. Tambe nan a percura pa cumpli cu tur cos cu e dienstnan a exigi. Pero tin paar cu a haci nan cosnan cu ta for di regla y door di esey a tene control, pa asina drecha esaki.

Loke tambe cu a remarca cu e sticker cu nan ta bezig ta pone, no ta e comision nan a purba di gaña sino pueblo henter. E vuurwerknan bieu ta peligroso. Esaki a wordo tira aki aya, pasa den auto, tur esaki a pone cu vuurwerk ta perde su calidad y asina aki accidentenan por bin pasa. Si abo, como pueblo di Aruba cumpra e vuurwerknan bieu aki por topa cu incidente. Tin vuurwerknan no tira, esaki por ta un vuurwerk bieu. Tambe nan a purba di mantene na cero herido na Aruba. Aña pasa tabata tin 3 pa 4 persona cu tabata tin heridanan leve y kemaduranan chikito. Ta pa e mesun motibo aki a pone enfasis pa no cumpra klapchinan bieu.

 

Hechamento di baina

Tin varios vuurwerk cu no ta permiti. Strikers ta vuurwerk cu ya pa seis aña cu ta for di circulacion. Ta pa e motibonan aki a cera e luganan pa asina no bendenan. Ta un vuurwerk ilegal y door cu nan tabata tin’e den nan posesion, e luganan a wordo cera.

 

Yamada di pueblo

Ta haya hopi ayudo di pueblo, segun Ponson, unda cu el a gradici nan den su totalidad. Nan a manda potret y tambe indica unda cu ta bende vuurwerk bieu, unda tin cosnan straño cu ta pasa, na manera cu ora brandweer yega na e luga y dreche saki.

 

Respet

Tin bendedo ta respeta y tin algun cu no ta haci’e, esey ta ora cu nan controla y haya vuurwerk ilegal. Tin algun di nan ta rabia y falta respet. Brandweer ta autoridad riba caya y asina aki por cuminsa na respeta otro tambe.

 

Castigo

Segun Ferdinand Ponson, tin cu sinta den e comision y papia riba esaki pa mira kico ta e medidanan cu lo bay wordo tuma contra di nan y pa tur cos cana manera mester ta.

 

Show di vuurwerk

Durante fin di aña tabata tin varios luga cu tabata tin show di vuurwerk. Pa esaki nan mester a bin saca nan vergunning y tambe tin personal cualifica. Akinan brandweer ta escolta nan pa asina tur cos cana bon, prome cu e show tuma luga.