E tarifanan di taxi, ta algo cu a wordo aproba pa minister Edison Briesen na 2009. Pero segun Blanca Orman, sra. Valery di DTP, a laga sa cu e tarifanan aki ta ilegal.
E tarifanan aki, manera e ta bin ta splica, a haya cierto ahustacion e tempo ey y tin cierto negoshinan cu no ta existi mas riba e tarifa. Ta 8 aña largo caba cu esaki a tuma luga. A ahusta eseynan, pero ta basicamente e mesun concepto, e mesun tarifa y tin prijsnan cu a keda segun e lista di 2009. Di unda e ta papiando cu e ta ilegal. Si bo ta bay wak esun di tarifa di 2009, e ta mas ilegal cu esun cu tin awor aki cu lo drenta na 2018. Esey a caduca for di 2009, y no a wordo ahusta mas.
Kico lo bay haci
E lista kier drenta na vigor. Lo bay boet 400 y pico taxi? Esey ta e pregunta. Segun Orman ta un style di capricho. Bo por comunica cu e taxistanan. Ta bisando awo cu ta cu vakantie. Si bo a haya e urgencia pa yama y a bisa tur prensa cu no por, por a sinta un mey ora na mesa cu e taxistanan y splica cu no a wordo traha riba e lista y a keda den un lachi un caminda den DTP.
Ahustacion
Esaki ta un ahustacion husto segun Orman. Dia cu minister Romero a bay na e oficina di DTP pa introduci su mes como e minister di e departamento eynan, nan mester a bisa e minister cu tin tal y tal, cual ta un caso andando. Esaki ta loke ta bezig ta handle cun’e. Orman no ta kere cu nan lo a bis’e. Cierto departamentonan, of cierto cosnan ta trahando al estilo anticua y den e temponan aki no por mas. Mester tin decisionnan fiho. Awor aki DTP ta cu vakantie te cu dia 2 of 3 di Januari. Coleganan di dia 22 di December, a bay cu vakantie. Tin coleganan cu ta haya accidente of cos ta pasa cu nan auto cu nan tin cu haci switch, nan no por pasobra DTP ta cu vakantie. Tin cu wanta tur e dianan aki sin traha y te Januari ora cu nan habri bek, por haci cambio riba auto, etc. Esey no por, segun Orman. Ta un continu service. No por perhudica un hende di e estado ey. Semper DTP tabata traha den dianan di fiesta. Awo diripiente tur hende a bay cu vakantie. Bo por gun esnan cu ta mas den servicio pa duna nan e chens ey, pero mester tin personal pa handle cos. Awo taxistanan ta keda sin traha pavia cu nan no tin hende den oficina. Pa colmo no a traha riba e lista di prijs tampoco. Na bispo di e fecha pa e drenta na vigor, e ta bisa cu no, cu no por y ta ilegal. Sra. Valery a yama tur central y a identifica su mes como Valery y e ta fout bezig. Con ta bay hustifica despues di 8 aña cu tin cu haya un ahuste di prijs y ta bisa cu no por. No tin motibo, no tin hustificacion, no tin nada pa bay contra di esey y no ta haciendo algo cu ta perhudica ningun otro caha di Gobierno, etc. Esaki ta entrada di e taxistanan. No por bin bisa cu no por. Despues di 8 aña, DTP ta suppose di traha riba e papelnan y no a haci’e. Mester a traha riba dje.
Segun Orman, pa e taxistanan mas importante awor aki ta e lista di prijs. Ta hopi aña sin ahuste. A pasa den tur cos, prijs a subi, auto a subi, comestibles, piesa, tur cos a subi. Esey ta algo primordial. Despues por bay riba e otro puntonan. Kier sinta hunto cu Valery y minister, pero el a bisa cu no y a bisa cu e lo papia cu minister prome. Ta e taxistanan ta esun cu ta wordo perhudica. Ta Valery a perhudica nan y e taxistanan kier bin cu nan banda di medaya. Pero e ta cera porta pa nan pa no sinta cun’e y cu minister den e dianan aki. Eynan por mira cu ta style di capricho y esey no por acepta, segun Orman.
