Nos tabata falta algun ora pa nos bisa ayo na 2017. Dia 28 di Decembers na un conferencia di gobierno a tende loke a wordo presenta. Presente tabata tey tambe prome minister Evelyn Wever-Croes, kende na diferente ocasion durante e conferencia di prensa, a papia riba tur loke ya caba a sosode durante aña 2017.
Den e mesun rosea el a menciona na diferente ocasion, cu e ser humano ta central. Esaki toch a capta nos atencion. Sinembargo, awo, e palabra ser humano ta central, parce cu a wordo lubida.
Dicon
Pasobra riba e fecha di 29 di December un cantidad di persona cu ta traha den e aparato gubernamental a haya un carta, no un carta via post. Un carta via un compania priva. Fast Delivery, den e caso aki, ta esun cu a hiba hopi carta pa diferente empleado di gobierno, notificando nan cu e relacion di trabao cu Gobierno ta termina. Y cu nan ultimo salario lo wordo paga dia 31 di Januari, 2018. Sigur un noticia hopi malo cu a drenta riba un fecha, faltando algun ora pa aña termina. Sigur e lo bira un fin di aña hopi malo pa e grupo di hendenan aki, cu no via post sino un compania priva, ta haya un cantidad grandi di carta, anunciando nan retiro y firma pa prome minister, mr. Evelyn Wever-Croes, kende, dia 28 di December, a enfoca na mas di un ocasion, cu e ser humano ta central. Sinembargo hopi hende a perde nan trabao, net algun dia cu aña caba.
Ex prome minister y lider di AVP, Mike Eman, a expresa cu nan ta sumamente preocupa. Nan tabata traha na cas di partido den e momentonan di transicion di aña, momento cu famianan ta bin hunto, cu perspectiva pa un aña nobo y en berdad, na momento cu e gobierno nobo a inicia, mirando nan prome pasonan, ya a cuminsa teme cu tur locual ta bay mira ta un ripiticion di algo cu Eman mes a biba na 2001, drentando politica nobo nobo, Gobierno di AVP a sali, net e ora ey, el a asumi su responsabidad como lider di fraccion di AVP. E momento ey un cantidad di persona a wordo retira for di gobierno, pasobra cu nan tabata wordo mira como un seya di AVP. Segun cu e tempo a bay pasa, mas di 30 diensthoofd, no personanan cu ta riba contract, sino personanan cu tabata hefe di departamentonan, a wordo retira. Por corda un propaganda politico, cu e tempo ey, sr. Andin Bikker a traha den campaña di 2005, di bula nan cabes. Bo lo kere cu un partner asina den coalicion, cu a biba hunto cu AVP den oposicion, e periodo di persecucion. Persecusion di kita hende, persecusion via di medionan di instruccion na ministerio publico. Persecusion di hendenan cu no tabata naci na Aruba. Persecusion den tur sentido e tempo ey entre 2001 y 2009. Por a spera cu e gobierno cu sinta awo, mirando e historia, mirando cu algun di e partnernan den e coalicion aki mes a biba e persecusion aki, cu lo tabata tin algo otro. Sinembargo e prome dianan di gobernacion caba por a mira persecusion, via di e mesun instrumentonan tambe di haci denuncia contra hende. Despues di cuminsa cu retiro di tur sorto di forma caminda cu hendenan cu tabata traha den Serlimar, traha paden ta wordo poni pafo. Logicamente ora di mira den e caso di Speed Andrade, den parlamento cu prome biaha den historia prensa ta wordo persigui den e forma aki, pasobra e tin un opinion critico di Gobierno.
Ya caba a sinti cu e estado di derecho di nos pais ta na peliger y esnan cu ta mas vulnerabel cu ta traha pa gobierno logicamente ta core riesgo cu nan ta bay wordo husga politicamente y awe lamentablemente ta haya confirmacion cu e mesun mentalidad, e mesun pensamento di persigui hende politicamente, ta asina central y no e hende central, segun ex prome minister.
