Ayera Gabinete Wever-Croes a entrega retiro y hopi persona tabatin sentimento mescla. Awe 24ora.com a puntra algun ciudadano riba nan opinion di esaki. Cada uno a duna nan opinion riba e situacion.
Un señora a expresa cu e caida di gobierno tabata decision tuma door di dificultad cu nan a haya nan mes aden. El a sigui bisa door di no a scucha hopi bon di kico nan a bisa. E señora lo bay vota pero ainda no sa pa ken.
Un otro persona masculino a expresa e no ta mucho den e votamento, pero mirando cu gobierno a cay na mando ta bay bin AVP sigur. Pa su persona e gobierno aki tabatin hopi corupcion y hopi cos, pero a lo largo nan mes a rindi. P’e proximo eleccion mester mira con e procedura ta bay ya cu e no ta facil. Tin yen partido, esta nobo.
Un otro ciudadano ta haya cu e gobierno no mester a cay ayera, pero prome. Desde e dia cu nan a core cu Marisol Lopez-Tromp, nan mester a baha e momento ey. “Awo ta laat. Esey ta mi pensamento. Nos ta di San Nicolas y masha poco mepista nos ta,” el a expresa. E ciudadano tin 63 aña y ta bay vota un biaha mas.
