Baseball hubenil a start atrobe cu planificacion desde di e pandemia cu a afecta e deporte hopi. Entre dianan 11-14 di november ultimo a tuma luga e reunion anual di Caribbean Zone na Republica Dominicana. Benjamin Francees a representa Aruba Pony. E ultimo aki a organisa no menos cu cauter Serie del Caribe na Aruba, durante e ultimo añanan. Den esey varios pelotero di Aruba a haya oportunidad pa hunga weganan internacional na Aruba mes.
Paisnan cu a participa na e reunion di zona tabata Boneiro, Corsou, Venezuela, Ecuador, Colombia, Panama, Costa Rica, Honduras, Salvador, Nicaragua, Puerto Rico, Republica Dominicana, Sint Maarten y Aruba.
Pony Baseball Aruba Foundation lo crea mas oportunidad pa mas beisbolista Arubiano yega mas leu den Caribe y World Series. Presidente di Aruba Pony, Benjamin Francees ta masha contento cu e resultado y e decisionnan cu a tuma pa e zona di Caribe. Bonbini na temporada nobo di baseball 2021-2022.
