Garage Centraal Aruba tin e line-up di Hyundai Tucson 2022. Tucson 2022 ta bin den dos model GL y GLS. Alexander Dijkhoff, Gerente di Benta di Garage Centraal, a splica di e dos modelonan aki cu ya caba ta na benta.
Hyundai Tucson GL cu ta bin c’un prijs di 69.900 florin y tin tambe e modelo GLS, cual ta e modelo mas ekipa, sunroof, trim ta diferente y c’un interior di cuero. Diferencia entre e dosnan, ta e layout di dashboard. Dashboard di e GL ta analogo y e GLS ta bin cu dashboard digital. Tur dos model ta motor 4 cilinder, 2L. Pa Aruba esaki ta ideal.
Qua tecnologia GL y GLS ta keda practicamente mescos. Nan ta bin den automatic 6-speed. Tin opcion di cambia e mode tambe, cual ta normal, eco y sport mode. Si cambia e speed pa sport mode, e engine management ta cambia. E ta gasta un poco mas gasoline cu si e cliente ta core den eco mode. Ta depende di e cliente su gusto den ki mode e kier core.
Tur dos modelo ta bin c’un trasmision automatico, pero tin e opcion tambe ‘tiptronic’. Esaki kiermen cu e auto mes ta cambia tur e speed na manera automatico. Pero si kier core den estilo shift, ta hala e palanca un banda y e chauffeur mes por cambia e speed. Mayoria auto Hyundai ta bin cu e opcion aki.
Por ultimo, Alexander Dijkhoff, Gerente di Benta di Garage Centraal Aruba a haci un invitacion na comunidad di Aruba pa bin haci un bishita na Garage Centraal Aruba y bin wak e dos modelonan aki di mas nobo di e famia di Hyundai Tucson.
