Tabata exactamente 7:07pm cu a sosode un accidente frontal entre un Taxi, un van marca Hyundai numera TX-96 y un auto marca Toyota modelo Agya color cora numera A-76335 di Heart Radio na Saliña Cerca dilanti Noord Food Center.
Cuater persona a resulta herida pero ambos chauffeur a keda pega den nan respectivo auto. E camara di siguridad ta prueba exceso di velocidad. Polisnan a yega mesora na e sitio pa want publico mas leu posibel.
Varios unidad di Cuerpo di Bombero y Ambulance a presenta pa brinda asistencia di rescate y di cuido medico, bou circunstancia di trauma. A pidi pa specialistanan den brinda sosten na victimanan pa presenta na Hospital pa por atende cu famia di e victimanan.
Causa exacto di e accidente ainda no ta conoci y ta parti di e investigacion cu departamento di trafico di Polis a inicia. Nan ta haci uzo di e departamento di Polisnan Forensico, pa uza hermentnan special pa determina velocidad, brake, banda di material visual, pa por yega na un rapport final riba con e desgracia a sosode.
