Mainta trempan, den un fecha adelanta, tabatin sentencia den e caso penal contra Eric Alexander Gamez, acusa di actonan di inmoralidad cometi cu dos yiu di dje.
E sentencia tabata poni pa te aki dos siman, sinembargo hues a haya necesario pa adelanta e fecha di sentencia.
Hues a cuminsa pa lesa tur declaracion di e menornan y pa despues bisa cu corte a conclui cu ta proba legalmente cu e sospechoso a comete e delito. Ley ta bisa cu pa condena un persona, e delito mester ta legal – y convincentemente proba.
No a convence corte cu e homber ta esun cu a mustra e muchanan video pornografico y cu e intencion pa despues comete actonan inmoral.
Tin descrepancia den declaracion di e rumannan. Un ta menciona dos adres y e otro ta menciona un solo sitio unda cu e cos a sosode. Nan ta bisa cu e echonan a tuma luga ora cu e mama bay supermercado. E mama a declara cu e ta kere cu lo por tum’e 20 minuut pa bay supermercado haci respondi.
Corte ta duda cu den 20 minuut e tata por laga e muchanan wak video, pa bay den camber, kita paña, haci actonan inmoral y despues bolbe bisti paña prome cu e mama bolbe.
Pues pa corte e delito ta legal proba pero no convicente y a declara e homber liber. Por a compronde cu Ministerio Publico ya caba a dicidi di apela e decision aki.
Pa un relato amplio por lesa TREMPAN.
