Ayera merdia a tuma luga un reunion yama pa minister Endy Croes na Cocolishi. Na e reunion aki a invita coleganan di Scol Soeur Juliette (ex-Emmaschool) pa ta presente. Riba agenda tin e puntonan cu ta trata entre otro “fusering”.
Pa bay bek un rato den pasado por recorda cu durante Gabinete EWC-I, ministerio di Enseñansa tabata bou maneho di ex-minister Rudy Lampe cu den e periodo di un aña prome cu e aña di eleccion a purba haci e fusering entre Scol Paso Pa Futuro bira un realidad pa asina entre otro baha gasto di gobierno. Pa con hopi esaki a purba no a logra y asina Minister president Evelyn Wever-Croes a sostene e lucha di e maestronan y a compronde nan dolor y nan preocupacion hunto cu nan sindicatonan SEPPA y SIMAR a logra para e fusering. Ni con ex mandatario Lampe a purba na cambia di cabesante di SPPF y pone den peliger cabes di cabesante di Emmaschool no a logra fuseer e dos scol nan aki hunto. Caminda tur dos scol kier a keda cu nan mesun identidad na mesun scol.
Esaki bou maneho di Gabinete EWC-II un biaha mas a bin riba mesa. Pa asina dialoga e posibel pasonan cu mester tuma pa fusering sigui. Loke si ta remarcabel ta cu e cabesante actual di Scol Soeur Juliette ta preparando pa baha cu pensioen. Cual ta pone oportunidad pa un cabesante nobo pa e scol. No a sali un solicitud pa dicho puesto pero loke ta custumber ta cu lo sondea internamente prome si tin coleganan interesa den dicho puesto. Loke ta mustra cu un familiar cerca di minister Croes lo ta cla pa tuma e puesto aki over. Kisas awo si lo logra pa e fusering tuma luga?
24ora lo keda pendiente pa mas informacion di sindicatonan tocante e desaroyo aki cu un biaha mas a bin riba mesa atrobe den rosea di eleccion. Ta premira cu e siman aki ainda lo yama representantenan di SPPF pa sinta na mesa cu mandatario di Enseñansa pa asina sigui mira e posibilidadnan pa fusering tuma luga pa e aña escolar 2023-2024. Pues tempo pa dialoga y prepara y pone tur nombramento na nan luga.
