dr. Desiree Helder, director di Oficina Central di Estadistica (CBS) ta un di ehecutivonan publico cu a forma parti di e presentacion cu a duna na prensa tocante Landspakket. El a duna di conoce cu ta bay crea un cooperacion entre CBS y otro entidad pa cubri temanan cu no ta maneha. E Sistema Nacional di Estadistica ta consisti di un acuerdo di cooperacion entre diferente departamento di gobierno pa por tin e informacion pa duna e usuario.
No ta un sistema nobo, segun Helder, e ta solamente un cooperacion pasobra ta trahando hunto cu directie onderwijs riba un plataforma cu ta registra data di alumno, sin nomber, pero enfoca riba estadistica.
T’asina cu participantenan ta haya informacion di otro instancia cu no ta di gobierno. Por ehempel, un directie onderwijs ta haya dato di scol, departamento di salud ta haya informacion di AZV, pero tambe di diferente otro organisacion cu ta relata na salud, manera hospital enzovoorts. Tur e data ey ta incorpora e ora riba un punto central acopla na otro pa traha e estadisticanan. Aunke instancia priva of cu no ta den gobierno y no ta forma parti di e sistema, toch nan ta e leveranciers di e data cu ta eigenlijk e base pa cu e estadisticanan.
