Den e vibrante ciudad di Bogotá, durante e feria di ANATO 2024, e hoben profesional di Aruba Convention Bureau, Luisa Arcila, hunto cu Heidi Hernández di e oficina di ATA pa Latino America, a presenta turismo di Aruba na un grupo di studiantenan di Colegio Educacion Profesional Intermedio (E.P.I.).
E grupo aki, cu ta biaha pa New York pa 19 aña, a scoge Bogotá e aña aki pa motibo di e interes creciente pa Latino Amerika, cu tin biaha ta bira un experiencia educativo y turistico. E studiantenan a keda impresiona cu e biahe y e cultura Colombiano. A probecha pa bishita un cafetero, a subi teleferico na Monseratte y a bay Plaza La Candelaria.
Durante nan participacion na ANATO 2024, Luisa Arcila a profundisa den e factornan clave cu ta diferencia Aruba como un destino MICE (Meetings, Incentives, Conferences and Exhibitions). E mercado aki tav enfatisa riba nos instalacionnan pa conferencia di clase mundial, nos hospitalidad impecabel y e compromiso di Aruba Convention Bureau pa e exito di nos isla.
E studiantenan di EPI a sali for di e programa di ANATO arma cu un comprondemento mas profundo di e industria MICE, hunto cu perspectivanan nobo y miho conocemento tocante e sector di turismo di Aruba.
E enfoke ta pa e studiantenan aki di E.P.I, sector Economia, ta pa nan conoce con ta promove Aruba den Sur America. Tur esaki nan a traha pa na final haya un punto pa e materia cu yama “Destination Marketing”. E grupo di hobennan aki ta studiando den e unidad di “Toerisme Administratie” y tambe “Toerisme secretariaat”. Cu e biahe special aki, nan a cera conoci masha di cerca y papiando cu esunnan cu ta traha diariamente den turismo, di kico tur ta “come y bebe” den e pilar number un di nos economia, esta turismo.
