Wind Creek Aruba a extende un caluroso bonbini na e studiantenan di FHTMS Faculty di Universidad di Aruba pa un evento di comienso academico. E evento a marca un paso significante den e colaboracion entre Wind Creek Aruba su hotel, esta Renaissance Wind Creek Aruba Resort, Wind Creek Casinos, 5 O’clock Somewhere, Starbucks Aruba, Renaissance Mall y Renaissance Marketplace y e universidad, cu un enfoke pa crea futuro lidernan den e industria di hospitalidad y turismo.
E mainta tabata yena cu combersacionnan, unda e studiantenan a drenta den un mundo di conocemento valioso y storianan inspirante. E evento a brinda un plataforma pa presenta e talentonan prometedo di Wind Creek Aruba.
“Nos ta hopi contento pa por a tin e privilegio di por ta parti di e evento di e studiantenan di FHTMS Faculty di Universidad di Aruba pa e comienso academico aki,” ta palabranan di Paul Gielen, Gerente General na Renaissance Wind Creek Aruba Resort. “Tabata un dia yen di
inspiracion, compartimento di conocemento y sigur e comienso di nos compromiso pa sostene crecemento di futuro profesionalnan den e industria di hospitalidad y turismo.”
E evento a cuminsa cu un seccion di orientacion cu participacion di 80 studiante na Renaissance Convention Center, despues e studiantenan tabatin e oportunidad pa network den un ambiente relaha pero informativo. E dia a termina cu un ‘tour’ di propiedad ofreciendo e studiantenan un experencia den su totalidad di e operacion di e hotel como tambe di e huespednan.
Shadira Fingal, Gerente di Marketing y Promotions di Casino, a yama atencion como un ex-alumno gradua den e sector di hospitalidad. Shadira a conta su experiencia y conocemento na e studiantenan. Su carera exitoso den e industria, desafionan y triunfo cu el a encontra durante su carera.
Marilisa Garcia, un stagairre di e prestigioso Universidad di Aruba, a comparti su experiencia personal na Renaissance Wind Creek Aruba, brindando un bista autentico di e responsabilidadnan diario y desafionan cu e la encontra durante su stage.
E evento no tabata posibel sin e colaboracion y sosten di Universidad di Aruba. Nos ta extende gratitud na e universidad pa por a brinda e oportunidad pa hospeda e evento impactante aki. E participacion di e lidernan remarcabel di Wind Creek Aruba a comparti nan trayecto personal y profesional, sabiduria, tipsnan valioso y perspectivanan cu a haci un impresion riba e studiantenan.
Wind Creek Aruba ta orguyoso di por a forma parti di e comienso di aña academico 2023-2024 formando parti di e preparacion di studiantenan y por crea careranan exitoso. Cu e compromiso pa fortifica enlace cu institutonan educativo riba nos isla, principalmente den e
industria di hospitalidad.
