“Gobierno ta den un caya sin salida. Maske cuanto e gobierno, forma pa partido MEP, bula riba cay abao su historia lo keda graba como e partido cu a cuminsa e masacre financiero den e periodo di gobernacion 2001 pa 2009. Partido MEP ta conoci pa un partido di medida. Nos por corda cu na aña 1985 partido MEP a hiba un derrota despues di a suta pueblo cu medida. Nos por corda e solidariteitsbelasting cu tabata 8.2% y a baha salarionan di empleadonan publico 7.75%. Partido MEP a baha te na 8 asiento,” esaki ta palabranan di Eric Ras, lider politico di partido CURPA.
Y ta sigui conta cu e idea di proyectonan Public Private Partnerschip a sali for di world economic forum y partido MEP a bin cu e proyectonan ey y a construi warda di polis Santa Cruz y warda di polis na Shaba. E lema di world economic forum ta “you own nothing and you will be happy”. Un mentalidad socialista / comunista pa tene y mantene pueblo pober.
Den e periodo di gobernacion di 2001-2009 bao partido MEP ya caba por a constata con MEP a hiba nos pais den un desaster financiero ora a cuminsa fia placa riba mercado international pa asina cumpli cu e agenda aki.
A fia 1.4 biyon florin pero no por bisa unda e placa a wordo inverti paso tur proyecto mester paga 20 aña largo y cu interes riba dje. E gobierno bou di partido AVP a sigui cu mesun ehempel y a fia 1.8 biyon florin.
Hulanda tambe ta un pais cu ta wordo goberna pa World Economic Forum y ta pusha pa e agenda 2030 esta e 17 puntonan di desaroyo sostenibel. E reunionan na Davos porta cerra ta pa pusha e 17 puntonan di e agenda 2030.
Informacion cu nos a ricibi ta indica cu nos promer minister a bay Europa pa reunion di World Economic Forum. Nos por corda cu nos prome minister a firma dia 17 di december 2020 cu common trust network di e World Economic Forum pa bira e prome partner di gobierno den Caribe.
Dia 23 di september 2020 Parlamento a hisa e bandera di Sustainable Development Goals y a celebra 7 aña cu Aruba ta forma parti di dje. E reunion cu a tuma luga ta porta cerra paso nan ta plania pa bin cu un otro arma biologico bao di capa di pandemia pa un otro lockdown y p’esey nan ta papia tambe cu lo bin cu un otro vacuna of miho bisa un experimento genetico of miho bisa nan ta hica veneno den bo curpa cu consecuencia faltal.
Covid 19 ta un arma biologico y e plan tras di esaki ta pa reduci poblacion mundial. Mita di otro luna mester bolbe introduci e mondkap pa despues bin cu e lockdown. Ningun pais no lo por cu un otro lockdown mas paso e lo caba cu e economia di e pais.
Europa y Merca ta den recession y cu e lockdown aki banconan mundial lo crash. Ora esaki pasa banconan ta dal nan porta cerra y ningun hende por saca nan placa. E ATMnan lo no funciona. E cos aki no ta wega. Despues lo bin introduccion di e moneda digital y esaki lo por tarda entre 10 pa 21 dia.
“Nos tin un gobierno diabolico cu no ta traha na bienestar di nos pueblo sino kier destruccion di nos pueblo. September lo bay ta un luna di scuridad pero esnan cu tin Cristo den nan bida ta cana den Su luz. September ta e luna cu mundo lo wordo sacudi y esaki ta momento pa dobla nos rudiya paso nos ayudo ta bin di Señor e creador di shelo y terra. Dios suhusticia lo baha riba esnan cu ta busca nos destruccion. E agenda 2030 ta un agenda diabolico y cu ta contra leynan di Dios. Esaki ta e agenda di tanto partido MEP como partido AVP. E agenda aki lo cay den otro.Partido Curpa ta e unico partido cu ta para pa leynan di Dios.”
