Habitantenan di Cura Cabay Savaneta ta sclama pa yudansa cu situacion di holo insoportabel cu nan ta pasando aden pa algun luna caba.
Bicindario di Cura Cabay ta sufriendo di molester desagradabel y preocupante pa locual ta trata sanidad den nan bario. A tuma contacto cu departamento concerni (DOW) pero te na e momento aki ta sin resultado.
Den imagen por observa e awa di riool cu ta acumula, pasa over y subi caminda causando un molester grandi den e area. Habitantenan a indica cu awa ta para y e holo ta insportabel. Tur esaki dilanti e pier di piscado na Savaneta.
Ta haci un apelacion na instancianan concerni pa tuma nota di e denuncia publico aki, pa atende cu ne mas pronto posibel mirando cu no solamente ta creando un holo stinki pero tambe posibel fuente di sangura y musca den e area.
