Garage Centraal cu donacion na Fundacion Pa Nos Comunidad

Dialuna Garage Centraal Aruba a haci un donacion di un Hyundai Accent na Fundacion Pa Nos Comunidad. Rodney Kock, Marketing Manager a splica cu continuamente Garage Centraal continuamente nan ta wak nomber di Fundacion pa Nos Comunidad den media y tur hende conoce nomber di e fundacion aki. pa esaki tabata ta un placer pa nan colabora cu e fundacion aki, pa nan por sigui cu e labor importante di ayudo, specialmente den e temporada dificil aki. 

Fundacion pa Nos Comunidad ta cliente di Garage Centraal unda nan tabata busca auto cerca nan, pero na dado momento, nantabata tin mester di un otro auto pa haci otro tipo di trabou, nan budget tabata poco short. Y den sentido aki, a base di nan contract record y nan contribucion, e tabata e miho opcion pa ofrece e auto aki na nan, pa asina nan sigui cu e labornan cu nan ta haciendo. 

Garage Centraal Aruba, den forma di donacion, ta reconoce con valioso trabou di Fundacion pa Nos Comunidad ta haciendo y ta desea pa cada ocasion cu comunidad tin mester, Fundacion pa Nos Comunidad t’ey pa comunidad di Aruba. Nos tur hunto, contribuyendo cu cada granito di arena, nos tur lo bay dilanti. 

Gianaika van der Biezen, director di Fundacion Pa Nos Comunidad a indica cu nan team di boluntario como tambe trahado a crece. Semper nan a traha cu Garage Centraal y el a ricibi e bon noticia cu nan ta haya un Hyundai Accent pa nan sigui cu nan labornan comunitario. No solamente den entrega di pakete pero tambe bishita na cas/

Directora di FPNC a sigui bisa cu nan a ricibi un cantidad mas grandi di cliente, pero nan team tambe a bira mas grandi. Aruba ta un isla chikito y bo mester por ta mobil, pa cual e auto ricibi for di Garage Centraal ta di suma importancia na ora di haci entrega di pakete di cuminda pero tambe bishita na cas. 

Fundacion Pa Nos Comunidad ta sumamente contento pa donacion ricibi for di Garage Centraal, pa cual nan ta gradici gerencia, staff y personal di Garage Centraal Aruba, di parti directiva y boluntarionan pa nan contribucion na un bon causa.