Stichting Hunto tambe tabatin su celebracion di Carnaval y a eligi nan personahenan di Carnaval, manera Reina y Prins & Pancho di afdeling Inloophuis y Ambulante Zorg 2024.
Stichting Hunto ta un fundacion cu ta traha cu hende nan cu ta sufri cu problemanan di salud mental y adiccion en general. Stichting Hunto su team ta consisti di Raad van Toezicht, un directora, trahadonan social/ enfermeronan/ psycholoognan/ psychiaternan/psycho-educadornan, lider di actividadnan, etc.
E seccionnan ta consisti di kind en jeugd, volwassenen, inloophuis, bemoeizorg cual ta e partinan ambulatorio y tambe nos tin e parti intramural cual ta Centro Colorado cual ta e centro di rehabilitacion pa adiccion.
Como Team ta traha cu hopi amor y cariño pa e clientenan y asina pa por guia nan pa nan por tin un miho calidad di bida.
A celebra cu nan un combinacion di carnaval, Mi San Balentin hunto. Asina a celebra eleccion di Reina y Prins y Pancho. Rose-Ann de Cuba activiteit begeleider hunto cu team di ambulantezorg a celebra esaki cu e cliente nan, familiares y mas invitado.
Nan ta gradici e cuerpo di hurado pa acepta e invitacion pa por para hurado na e evento Carnavalesco cu a organisa pa e clientenan.
Thema
E tema di Carnaval e aña aki ta Carnaval compaña cu amor y Amistad mirando cu esaki ta luna di San Balentin. E trahadonan a traha tur dia cu e clientenan cu hopi amor y dedicacion y pa e motibo e tema aki.
Introduccion di huradonan
1. Sra. Tecla Kelly-Hernandez :
- Ex Presidente di nos dushi Carnaval S.A.C
- Carnvalista pa añanan largo
2. Sr. Hector Gonzalez:
- Ex Prins di Aruba su carnaval na aña 1993
- Musico, compositor y tambe areglista
3. Rita Rozenberg Trahado di Stichting Hunto begeleider
-
4. Sr. Bernardito Farro:
- Mihor conoci como beppy
- Organisador di e North International Sunset Parade
- Un carnavalista den alma.
- Y comediante ariba facebook
5. Sra. Julissa De Cuba:
- Estetica y masahista profesional
Dj: Juancho Geerman
Nos tawata tin 6 participante pa Prins y Pancho y 5 participante pa Reina pa privacidad no por pone nan nomber.
Tambe a saca Reina di staff di ambulantezorg sra. ISABELLA PEYARES a keda eligi .
REINA DI INLOOPHUIS Rose-Ann de Cuba
Prins y pancho Angelo Tromp y Jose (Wachi) Geerman.