Speeltuin na Madiki cendi intencionalmente na candela

Alrededor di 9.45pm Dialuna habitantenan a bati alarma pa candela na un speeltuin na Madiki. Esaki tabata cerca di e veld di Riverplate.

Vlamnan a domina e cosnan pa mucha hunga den Madiki. E slip a kima por completo, despues di un rato e candela a expande su mes y a kima parti di e mata grandi ariba di e dak di speeltuin tambe. 

A cende e speeltuin di Madiki na candela. Ta sospecha cu e ta intencional. Bomberonan a combati e candela mesora pero ya gran parti di e centro di recreacion a bay perdi!

Posted by 24ora on Monday, April 27, 2020

Por a tuma nota di e cara decepciona di e bomberonan na momento cu nan a yega pa combati e candela. Den algun seconde nan a logra combati y controla e vlamnan. Awo e bario ta sin un area di recreacion cu e muchanan di bario tabata usa pa pasa tempo.