Por a ripara siman pasa den un actie na ward’i Playa, unda cu a para trabao un rato p’e polisnan mustra nan desacuerdo. E polisnan kier mira un solucion door di e minister di husticia pa loke t’e schimmel na ward’i Playa.
Rodney Solognier, presidente di Sindicato di Polis (SPA) a conta cu esaki a surti efecto, pero no manera cu a spera. Solognier a tene un combersacion cu altocomisario Arnhem, kende si a bay cerca e minister di Husticia y a reuni cu ne. E mandatario a bisa cu e polisnan por muda, pero te cierto prespuesto e lo por tin.
SPA no a bay meeting y no kier bay sinta, tende promesa cu no ta haci. “Nos kier solucion. Nos kier mira actie. Nos kier wak cu e problema aki ta tra’i lomba,” ta loke Solognier a bisa.
Ta en espera kico ta bay pasa. Te aworaki p’e sindicato, ta Status Quo.
