Un situacion cu por a bira un masacre. Algo cu tin autoridad su atencion por completo na e momento aki y varios hoben deteni. Un alumno di SPO Brazil a presenta cu un arma di candela den klas y a tene tur otro alumno rehen den klas.
E sucedido aki a tuma luga aproximadamente 10:00 am ora cu a bati alarma na autoridad. E alumno a saca un arma di candela den klas y no tabata permiti ningun hende sali for di klas. Polis a presenta mesora y a drenta tereno di scol.
Na prome instante a papia di un hoben deteni pero un rato despues polis a detene un hoben mas. A transporta ambos pa warda di San Nicolas caminda cu investigacion lo continua. Ta na su luga pa haci un yamada na comunidad pa yuda cuerpo policial cu informacion y asina elimina mas arma di candela cu ta posibel pa asina evita un crimen tuma luga caminda cu por perde hopi bida inocente.
