Alto Comisario di Polis Sr. Andrew Hoo ta aproba un klas nobo entrante 17 september 2018. Cuerpo Policial Aruba ta en busca di hobennan cu kier bira polis. E klas nobo lo inicia na aña 2019. Por cuminsa haci inscripcion pa e estudio di MBO Nivel 4.
Si bo ta interesa bo por entrega e formulario na scol di polis (E.J. Watty Vos) entrante 17 september te cu 12 oktober 2018. For di 08:00 mainta pa 01:00 merdia na Fortheuvelstraat 25 na San Nicolas. NO ta posibel pa entrega e formulario na warda di polis.
REKISITO:
Bo mester tin nacionalidad Hulandes
Inscribi na Censo y mester ta biba na Aruba.
Edad minimal 17 aña maximo 34 aña.
Haltura no menos cu 1.60 meter.
Diploma di EPB doorstroom/ Diploma di MAVO.
DOCUMENTONAN:
Copia valido di un paspoort Hulandes
Papel di AWG 5,- di Censo
Copia di diploma (MAVO y EPB doorstroom) y Lista di cifra
Copia di bo AZV
Un pasfoto reciente
PRUEBANAN
Prueba di inteligencia, prueba di idioma Hulandes, prueba di sport, screening ( geschikheid onderzoek), psychologo, test medico y na ultimo un entrevista . Si bo logra tur e pruebanan aki nos ta yamabo bon bini na MBO Klas N4-2019
Pa mas informacion por yama Scol di Polis (E.J. Watty Vos) di dialuna pa diabierna for di 09:00 mainta pa 03:00 di atardi. Tel: 527-3081. Email: [email protected].
