Banda di 9or y 45 di anochi, tres persona den un Kia Carens color shinishi a Hit and Run un Hyundai i10 na e lusnan di trafico na Palm Beach. Despues a baha na awa pero mucho leu nan no a yega pasobra Polis a wak e accidente y mesora a persiguinan.
Na dado momento nan a drenta patras di Picas Corner y eynan a baha na pia den e mondi. Varios patruya di Noord, Strand Politie hunto cu Polis di Playa a uni pa asina purba logra gara e tres personanan. Polis nan a keda busca den barrio pero no a logra haya mesora e tres personanan aki.
Un reportero a topa cu e tres personanan coriendo patras di Local Store y asina a avisa polis. Mesora polisnan a mobilisa nan mes na unda e tres personanan a wordo mira y ta logra detene tur tres. Un di nan tabata un dama y otro dos homber. Polis den un frega di wowo a pone nan bay plaat y asina boeinan.
A pidi transport y bay cu tur na warda di Shaba. Den e auto Kia Carens laga atras a bin topa un saco di plastic cu basta placa. Polis a tuma e saco den beslag pa mas investigacion. Polis di trafico tambe a presenta na lus di trafico na Wendy’s Palm Beach pa asina tuma datos di e accidente. Takelwagen a hiba e Kia warda di Shaba pa mas investigacion.
