E sindicatonan uni a reuni cu prome minister riba e ley di presentatiemanagement na januari, pero ainda no a sinta Conseho di Minister (Ministerraad). Nan kier reuni cu nan pa asina yega na un solucion.
Desde basta tempo e sindicatonan ta tratando e tema di presentatiemanagement. A puntra riba e echo si e sindicatonan mes a bin cu solucion na mesa pa traha riba esey. Edward Maduro, presidente di SADA, a recorda cu dia 27 di januari a bay un reunion maratonico cu prome minister, Minister di Enseñansa y Minister di Husticia. Aki nan a splica na placa chikito, den detaye, tur problema, tur cos cu nan ta mira cu mester bin cambio.
A bisa nan cu ta bay bek na Conseho di Minister pa trece esey dilanti. Durante e periodo di 27 di januari te fecha di awe, hopi bes nan a purba di haya e reunion cu Conseho di Minister. Pero esey ta algo cu no a sosode.
Segun e sindicalista, semper nan ta dispuesto pa yega na un solucion manera profesional na mesa cu respet.
Pa mas lesa TREMPAN.COM.
