Despues di e rueda di prensa por a ripara cu algun medio di comunicacion, probablemente pa motibo politico, a troce e informacion cu a trece dilanti y purba di manipula pueblo pa desvia na e sitaucion actual di Cuerpo di Bombero. Laga nos ta bon cla, ta locual cu SINBA, cu na ningun momento nan miembronan lo pone e seguridad di nos pueblo na peliger. Den e rueda di prensa a laga sa bon cla cu den caso di camalidad y emergencia semper lo actua y cumpli debidamente cu nan deber.
Aparentamente e berdad a haci algun hende hopi dolor y awor ta purba pone sindicato y nan miembronan den un luz negativo pa asina sigi sconde e berdad. Un berdad bergonsoso na unda hustamente door di situacion cu Brandweer di Aruba actualmente ta aden ta e causa cu nos pueblo ta coriendo peliger y ora un calamidad ta presenta nos no lo por actua manera nos kier y manera mester ta.
Un biaha mas e unico obhetivo di SINBA y su miembronan ta un cuerpo di bombero cu tin e matrial y equiponan pa por combati cualkier camalidad y husto na e momentonan, aki dor di neglisha e cuerpo e ultimo añanan y un leiding cu ta parce cu tampoco no tin esaki como prioridad, esey no ta e caso.
