Den e ultimo dianan, por a tuma nota di un cantidad di articulo di Simon Waslander cu critica fuerte contra e gobierno actual. Segun Waslander, hopi ta puntra nan mes si e lo ta riba lista di un partido politico p’e proximo eleccion. El a enfatisa energicamente cu esaki no ta e caso. Pero cu e ta skirbi e articulonan, for di e punto di bista di un ciudadano di e pais aki, preocupa cu e ultimo acontecimentonan.
Su articulo mas recien ta relaciona cu na februari por a nota cu Gobierno di Aruba a ricibi mas cu 15 miyon euro di e fondonan oficial di Union Europeo cu e ehecutivo di Digitalisa y Automatisa Gobierno di Aruba.
E ta di un importancia masivo pa full Aruba y futuro cara na Union Europeo cu e fondonan aki NO bay na compania y stichtingen indirectamente liga na gobernantenan cu lo simplemente kima e placa y lever in un rapport bou nivel relativo na e fondonan.
Pakico ta pone un enfasis special riba e fondonan aki?
Wel pasobra si nan mal gasta e placa, e lo destrui nos imagen como pais na Union Europeo, y lo hacie sumamente mas dificil den futuro pa haya fondonan grandi un bes
mas. Si na otro banda Aruba haci un bon trabou y echt uza e placa manera mester ta, e lo habri porta pa mas fondo.
Pero cada biaha di nobo, nos ta wak cu fondonan ta bay na companianan en/of stichtingen di Friends&Family cu ta simplemente kima e placa relativamente.
P’esey ta haci un articulo publico y un apelacion pa e proceso con lo uza e placa aki y tur proposicion cu drenta cerca Gobierno den contexto di uzo di e fondonan aki, pa hacie completamente publico.
Esaki no lo tin cu ta un problema pa un Gobierno cu supuestamente ta para tras di transparencia y anti-corupcion.
Tambe kier enfatisa cu ta sumamente importante pa un grupo neutral wordo envolvi, pasobra cu e proyecto ta involucra digitalisacion y automatisacion di Gobierno. Den otro palabra hopi trabou por wordo reduci cerca Gobierno, dus indirectamente lo tin mester di menos ambtenaar. Cu ta algo cu ningun Gobierno na Aruba lo kier mira, vooral net prome cu eleccion otro aña. Nos sa cu e contractonan bay na gruponan liga na F&F cu e raportahe su calidad y neutralidad tambe lo ta abou of te hasta incorecto, pa asina formula den un manera cu Gobierno lo kier tende.
Mirando e grandura y e hecho cu full Union Europeo ta bezig ta wak con lo uza e fondonan aki na Aruba, y cu un Gobierno cu tin “Transparencia” halto ta pidi pa haci e proceso aki ful publico y pa ful pueblo sa ken a entrega proposicion, kico ta den e proposicion y mas importante ken ta haya e contractonan.
