Diahuebs atardi pa mas of menos 4:22 pm a sosode un candela grandi den Caya Anguila # 8 na San Nicolas. A constata cu un edificio bandona a pega candela, esaki a expande y a kima un camber di un cas den banda completamente.
Tanto brandweer como polis a presenta na sitio debi cu e candela tabata menasa mas cas. Brandweer a bringa e candela pero asina mes no a logra pa scapa e cas. Slachtofferhulp y Elmar tambe a presenta na sitio.
