Shak-Yen Salas ta un hoben cu ta biba na Hulanda y ta haci e deporte di softball. Aña pasa el a forma parti di e Seleccion Hulandes U-18 y a competi na Republica Checa. Su meta no a cambia y e aña aki e ta busca pa forma parti di e Seleccion Hulandes U-20.
Casi tres aña pasa Shak-Yen Salas a bay Hulanda pa vakantie, pero a dicidi di no regresa. E ta studia y haci su deporte preferi di softball. El a forma parti di e seleccion femenino U-18 despues di tabata scogi entre 90 hoben, nan a yega te semifinal na Republica Checa.
Prome cu 2023 a termina, el a yega Aruba di sorpresa pa pasa aña nobo cu su mama y resto di famia. El a tuma e momento aki pa sosega como tambe pa pasa un rato cu su sernan keri. Den un combersacion, Shak-Yen a conta nos redactor su experencia cu e seleccion y su meta.
Experencia den seleccion
Durante e seleccion pa su persona e experencia tabata uno leuk y nobo, pasobra nunca el a experencia algo asina aki, esta di forma parti di un seleccion. E training tabata uno hopi mas duro di loke el a spera. Specialmente e parti di catcher, infield y sin lubida cu e coachnan kier pa nan bay dilanti.
E diferencia den preparacion cu su mesun team ta diferente na esun di seleccion. E team cu Shak-Yen ta forma parti ta den Dames 1, cual ta hoofdklas. El a indica cu su team e training tabata hopi mas rustig compara cu e seleccion, unda cu e coachnan ta pone nan core, mira e speed. “E training ta hopi mas duro cu normal di mi team”, el a expresa.
Pa mas lesa TREMPAN.COM.
