Tin momentonan cu Polis ta haya nan mes den situacionnan mas fastioso cu otro, den e caso aki ora cu mester sali bay persigui un persona y ta haci cu ta pone nan mes y otro na posibel peliger.
Pero no ta keda Polis nada otro di haci nan trabao debidamente ora cu tin cualkier kiebro di ley of otro asunto cu mester atende cu ne. Aki ta trata di un persecucion cu a tuma lugar ayeranochi terminando na un scooter confisca den area di Rondweg den area di Dakota.
Diabierna pasa di 11:30pm, Polis a para un scooter na crusada di Rondweg caminda a bay over na confisca esaki debi cu e scooter color Preto no tin papel na ordo.
Polisnan a motorisa a presenta pa reforsa nan colega pa para e scooter aki y lag’e na pia, cu mester a keda pendiente pa un takelwagen bin busca e scooter y hib’e Warda di polis.
