Dialuna mainta a tuma luga un conferencia di prensa di partido MEP, den cual Shailiny Tromp-Lee a anuncia su retiro como lider di fraccion di MEP den Parlamento.
Durante e conferencia di prensa aki, Shailiny Tromp-Lee a anuncia cu entrante e aña parlamentario nobo, el a anuncia cu e ta tuma su retiro como lider di fraccion den Parlamento. Esaki lo drenta na vigor entrante e aña parlamentario nobo.
Tromp-Lee a fungi como lider di fraccion di MEP pa dos aña.
Esaki ta un decision cu Tromp-Lee a tuma su tempo riba dje, basa riba e puntonan personal y familiar. Di prome cu Parlamento a bay reces, esaki tabata algo cu e parlamentario a trece pa dilanti.
Su colega parlamentario Hendrik Tevreden lo reemplasa Tromp-Lee. “Mi ta hopi contento cu el a tuma mi peticion den consideracion.” E parlamentario no a bay den detaye, pero e ta relata motibonan familiar, estadonan di salud den famia cu a cuminsa for di inicio di aña caba cu ta rekeri hopi di su atencion.
Parlamentario Tevreden no tabata tin ningun comentario pa comparti.
