E seleccion nacional di U-14 a sali pa Santo Domingo, unda nan ta bay competi den e competencia di Challenge Series di Caribbean Football Union (CFU).
Glen Sambo, Headcoach di U-14, a splica cu nan ta bay competi contra Hiati y St. Kitts and Nevis, y eigenlijk Jamaica tambe pero nan a cay afo. E torneo aki ta di desaroyo y esey ta significa cu e binti muchanan ta bay, mester hunga por lo menos 70 minuut. E ta mas p’e desaroyo cu ganamento. Aunke cu e desaroyo mester trece e ganamento, e enfoke ta riba desaroyo.
E atencion di hoben pa futbol ta sigui crece, specialmente cu e muchanan muhe di U-15 a haci un bunita papel y regresa subcampeon. Di bay c’un team y ta regresa cu premio asina, ta trece reto p’e otronan bin mas halto cu esey.
E academia tin dos aña ta draai y nan a hunga den e campeonato di Arubaanse Voetbal Bond (AVB) c’un team mas grandi cu nan. Nan a hunga contra U-15 y den dos aña di preparacion, nan ta bon prepara y ta bay bataya.
Pa mas lesa TREMPAN.COM.
