Diadomingo a tuma luga despedida di e hoben Harmon Girigorie, asesina siman pasa. Un persona hopi popular y stima bou su amigonan, conocinan y famia y sigur den San Nicolas.
A bay na e sitio unda tur cos a tuma luga, esta na Julios Bar, alabes na banda unda e grupo di amigonan sa frecuenta, esta “bou palo” a laga pinta un portret grandi riba muraya pa asina recorda Harmon.
A tene un despedida alegre, cu bar y cushina y musica di diferente DJ nan popular, mescos con Harmon mes a biba, un persona alegre cu un sonrisa riba su cara y semper balente cla pa yuda y defende su hendenan.
Diferente amigo a conta storianan di dje, na final di anochi a haci oracion, caminda a cende diferente bela y amistadnan tur a cende e luz di nan celular y den un forma simbolico a despidi.
