Dialuna atardi den careda di 3:30, e personal di Guarda Nos Costa, pasando den Sabana Grandi a nota algun hende haciendo trabou di construccion.
Nan a pasa bek y bay haci un control y di biaha esnan eynan a sali na careda y purba core pa GNC. A logra gara mayoria di nan pero un di nan a core y yegando na rand di un dam y kisas pa falta di conocimento di e area a bula y bay cay for di haltura di alrededor 12 meter. A keda basta herida.
Di biaha a solicita demas autoridad na e sitio incluyendo bomberonan pa asina duna un man. Tabata un tarea poco dificil pa yega cerca e homber illegal debi na e tantisimo yobida full na e area cu tabata na lodo. A stabilisa e homber y a bin cune ariba bek y asina hinke den ambulance. Awor Aruba lo core cu e gastonan medico. Si tur cos bay bon cune e mester wordo deporta pronto.
